1.1 ავტობაზა უზრუნველყოფს მყიდველის მიერ მოთხოვნილი ნაწილის მოძიებას საზღვარგარეთის ბაზარზე, მოახდენს მის დათვალიერება შემოწმებას, შეიძენს მომწოდებლისგან, ჩამოიტანს საქართველოში მიაწვდის მომხმარებელს წინასწარ შეთანხმებულ ვადებში,წინასწარ შეთანხმებულ ფასად, წინასწარ შეთანხმებულ მისამართზე.
1.2 ნაწილის საფასური თანხა მყიდველს შეუძლია გადაიხადოს 2 ეტაპად საბანკო გადარიცხვით, საფასურის ნახევარს მომხმარებელი იხდის ნაწილის შეკვეთისას, მეორე ნახევარს ნაწილის საქართველოში ჩამოსვლის დროს.
1.3 ავტობაზის გასამრჯელოს შეადგენს მომწოდებლებისგან დაბრუნებული ქეშბექი მომხმარებელთან დაკავშირების საზღაურად. ასევე ნაწილის საქართველომდე ტრანსპორტირება ფასიანია და განისაზღვრება ავტონაწილის რეალური წონის მიხედვით.მიწოდების საფასური რათქმაუნდა წინასწარ უთანხმდება მომხმარებელს.
2. მიწოდება
2.1 ავტობაზა უზრუნველყოფს ავტონაწილის უსაფრთხო მიწოდებას, პასუხისმგებლობას იღებს რომ ნივთი მყიდველთან მიწოდების მომენტში იქნება შესყიდვის დროს არსებულ მდგომარეობაში. შესყიდვის დროს არსებული ნივთის მდგომარეობა წინასწარ არის შეთანხმებული მყიდველთან სიტყვიერად ფოტომალალის თანხლებით
2.1 ნაწილის მიწოდება საქართველოს ტერიტორიაზე ხდება შეკვეთის გაფორმებიდან 17-28 დღის განმავლობაში(გარდა ხელისშემშლელი ფაქტორებისა) რომელიც წინასწარ თანხმდება მყიდველთან.
3. გარანტია
3.1ახალი ავტონაწილის შეძენის შემთხვევაში მყიდველს საშუალება აქვს ნაწილის მიღებიდან 4 დღის მანძილზე დააბრუნოს ნივთი დაუზიანებელ(გამოუყენებელ) მდგომარეობაში იმ შემთხვევაში თუ ნაწილი არ იქნება თავსებადი მისი ავტომობილისთვის. დაბრუნების დროს მყიდველმა უნდა გამოგზავნოს ნაწილის შეუთავსებლობის დამადასტურებელი ფოტოსურათი. დაბრუნების ტრანსპორტირების ხარჯს ავტობაზა საკუთარი ხარჯებით უზრუნველყოფს
3.2მეორადი ავტონაწილის შემთხვევაში(გარდა ძრავის და გადაცემათა კოლოფისა) მყიდველს საშუალება აქვს ნაწილის მიღებიდან 5 დღის მანძილზე დააყენოს ავტონაწილი მანქანაზე, შეამოწმოს მისი ვარგისიანობა, გაუმართაობის შემთხვევაში დააბრუნოს უკან. ნაწილის მონტაჟის და დემონტაჟის ხარჯებს ავტობაზა არ უზრუნველყოფს. ნაწილის გაუმართაობის შემთხვევაში დაბრუნების ტრანსპორტირების ხარჯს ავტობაზა უზრუნველყოფს ელექტრონული ნაწილების(მართვის მოდულები, ბლოკები, გაყვანილობა,დამქოქი,გენერატორი,სენსორები და ა.შ) დაბრუნების შემთხვევაში აუცილებელია ოფიციალური ცენტრის დიაგნოსტიკა და დასკვნა რომ ავტონაწილი გაუმართავია და მანქანას სხვა ხარვეზი არ აქვს.
3.3 ძრავის და გადაცემათა კოლოფის შემთხვევაში მყიდველს საშუალება აქვს ნაწილის მიღებიდან 7 სამუშაო დღის მანძილზე მოახდინოს აგრეგატის მონტაჟი ავტომობილზე, შეამოწმოს მისი ვარგისიანობა, გაუმართაობის შემთხვევაში დააბრუნოს უკან. დაბრუნების შემთხვევაში აგრეგატის მონტაჟის და დემონტაჟის ხარჯებს ავტობაზა არ უზრუნველყოფს. ნაწილის საზღვარგარეთიდან ტრანსპორტირების ხარჯებს ავტობაზა არ უზრუნველყოფს.დაბრუნების შემთხვევაში აუცილებელია ოფიციალურ ცენტრში აგრეგატის შემოწმება და დასკვნა რომ აგრეგატი ვარგისიანი არ არის.
3.4 ნებისმიერი ნაწილის ვიზუალურ მხარეზე მიწოდების მომენტიდან პასუხისმგებლობას იღებს მყიდველი, დაბრუნების საჭიროების შემთხვევაში დეტალი უნდა იყოს მიწოდების დროს არსებულ ვიზუალურ მდგომარეობაში
4.1 დასკვნითი დებულებები ავტობაზა იტოვებს უფლებას მომხმარებელთა მიერ ავტობაზის ვებ-გვერდზე შეკვეთის განთავსებისას მიწოდებული პერსონალური მონაცემები გამოიყენოს ავტობაზის სარეკლამო პოლიტიკის შესაბამისად მოხმარებელთათვის სარეკლამო შეტყობინებების გაგზავნის მიზნით. მომხმარებელი ვებ-გვერდზე შეკვეთის განთავსებით ავტობაზას ანიჭებს უფლებამოსილებას, რომ ამ უკანასკნელმა თავად განსაზღვროს მესამე პირთა წრე,რომლებთანაც ავტობაზა წარმოადგენს მოხმარებელს. მომხმარებელი იღებს სრულ პასუხისმგებლობას მის მიერ autobase.ge-ზე განხორციელებულ ქმედებებსა და შეკვეთის განთავსებისას მითითებული ნომრიდან გაგზავნილ შეტყობინებებების შინაარსზე.

დადასტურება

შეიყვანეთ თქვენს ტელეფონზე მიღებული კოდი: